info@investingnepal.com
+977 4417635
Contact Us
Hyundai

निर्यातमा २२.४ प्रतिशतको वृद्धि: आयात ३.६ प्रतिशतले घट्यो

By: Nepse Direct Mar 19, 2020

चालु आर्थिक वर्ष २०७६/७७ को ७ महिनामा कुल वस्तु निर्यात २२.४ प्रतिशतले वृद्धि भई ६४ अर्ब ९७ करोड रुपैयाँ पुगेको छ । अघिल्लो वर्षको सोही अवधिमा यस्तो निर्यात १२.५ प्रतिशतले वृद्धि भएको थियो।

यो अवधिमा भारततर्फ निर्यात ३८.० प्रतिशतले वृद्धि भएको छ भने चीनतर्फ १२.७ प्रतिशत र अन्य मुलुकतर्फ २.४ प्रतिशतले घटेको छ । भारतमा पाम आयलको प्रतिबन्धका कारण भारत तर्फको निर्यात घटेको हो।

वस्तुगत आधारमा पाम तेल, अलैंची, जुटका सामान, आयुर्वेदिक औषधि, धागो (पोलिष्टर तथा अन्य), लगायतका वस्तुको निर्यात बढेको छ भने जस्तापाता, तार, तयारी पोशाक, जुस, तामाको तार लगायतका वस्तुको निर्यात घटेको केन्द्रीय बैंकले जनाएको छ । चालु आर्थिक ६ महिनामा भने ४७ अर्ब ६२ करोड रुपैयाँ बराबरको निर्यात गरेको थियो।

आर्थिक वर्ष २०७६/७७ को ७ महिनामा कुल वस्तु आयात ३.६ प्रतिशतले घटेर ८०३ अर्ब ६० करोड कायम भएको छ। अघिल्लो वर्षको सोही अवधिमा यस्तो आयात २६.० प्रतिशतले बढेको थियो । वस्तु आयात गरिने मुलुकका आधारमा भारतबाट भएको आयात ८.० प्रतिशतले घटेको छ भने चीन तथा अन्य मुलुकबाट भएको आयात क्रमशः ९.८ प्रतिशत र ०.८ प्रतिशतले बढेको छ।

आर्थिक वर्ष २०७६/७७ को ७ महिनामा कुल वस्तु व्यापार घाटा ५.३ प्रतिशतले संकुचन भई ७ खर्ब ३८ अर्ब ६३ करोड रुपौयँमा सीमित हुन पुगेको छ। गत वर्षको सोही अवधिमा यस्तो घाटा २७.१ प्रतिशतले वृद्धि भएको थियो। यो अवधिमा निर्यात-आयात अनुपात ८.१ प्रतिशत पुगेको छ। अघिल्लो वर्षको सोही अवधिमा यस्तो अनुपात ६.४ प्रतिशत रहेको केन्द्रीय बैंकले जनाएको छ।

Mega Maya Bachat Khata